O Laboratorio de Sanidade e Produción Animal de Galicia (LASAPAGA) leva a termo os estudos, análises e ditames relacionados coa sanidade e coa hixiene dos animais, así como das producións gandeiras e dos medios de produción gandeiros nas materias relativas á sanidade animal. Tamén lle corresponde o control dos laboratorios privados adicados ás materias antes sinaladas. Nas instalacións do laboratorio analízanse 1.000.000 de mostras e fanse preto de 2.500.000 análises cada ano.
O laboratorio está acreditado pola ENAC (Entidad Nacional de Acreditación) segundo a norma UNE-EN ISO/IEC 17025 para a realización de ensaios físicoquímicos de produtos agroalimentarios e de augas.
A actividade dos Laboratorios de Sanidade e Produción Animal está distribuída en tres centros:
- Laboratorio de Sanidade e Produción Animal de Galicia, en Lugo
- Laboratorio de Sanidade Animal de Guísamo, na Coruña
- Laboratorio de Sanidade Animal de Salcedo, en Pontevedra
O centro de Lugo é o laboratorio de referencia e coordina os de Guísamo e Salcedo, que actúan como centros de apoio.
Portal do Laboratorio de Sanidade Animal
É unha ferramenta web que contén os servizos do Laboratorio de Sanidade Animal.