Calendario de feiras agroalimentarias para o 2023
A Axencia Galega da Calidade Alimentaria (Agacal) ofrece ás empresas galegas do sector agroalimentario a posibilidade de participar en distintas feiras agrarias e alimentarias como empresa coexpositora nos postos institucionais da Consellería do Medio Rural, cun espazo expositivo individual.
A mellora da comercialización e a promoción do consumo dos produtos galegos, especialmente aqueles que están amparados por unha denominación de calidade, é un dos obxectivos estratéxicos da Consellería do Medio Rural para conseguir o desenvolvemento do noso sector agrario.
No marco das accións promocionais, considérase fundamental a participación en certames feirais, tanto de carácter nacional como internacional, co fin de dar a coñecer e mellorar a comercialización das distintas producións agrarias galegas, sobre todo as amparadas por algún indicativo de calidade.
Feiras para as que se abre o prazo
| Feira | Datas | Recinto | Lugar | Prezo | Web |
|---|---|---|---|---|---|
| Fruit Attraction | 3 – 5 outubro | IFEMA | Madrid | 2057 € (1700€ + 21 % IVE) | https://www.ifema.es/fruit-attraction |
| Iberflora | 3 – 5 outubro | Fira de Valencia | Valencia | (400 € + 900 € x mod) + 21 % IVE | https://iberflora.feriavalencia.com/ |
O prazo de solicitude remata o 23 de xuño. As solicitudes recibidas fóra do prazo quedarán na listaxe de agarda.
Próxima feira
| Feira | Datas | Recinto | Lugar | Prazo inscrición | Web |
|---|---|---|---|---|---|
| Xantar | 2 – 5 novembro | Expourense | Ourense | abrirase o prazo en setembro | https://xantar.org/ |
A apertura do prazo de presentación de solicitudes comunicarase por correo electrónico con suficiente antelación