Feiras agroalimentarias

Feiras 2020

A Consellería do Medio Rural ofrece ás empresas galegas do sector agroalimentario a posibilidade de participar en distintas feiras agrarias e alimentarias como empresa coexpositora nos stands institucionais da Consellería do Medio Rural, cun espazo expositivo individual, amparado pola marca “Galicia”.

A mellora da comercialización e a promoción do consumo dos produtos galegos, nomeadamente aqueles que están amparados por unha denominación de calidade, é un dos obxectivos estratéxicos da Consellería do Medio Rural para conseguir o desenvolvemento do noso sector agrario.

No marco das accións promocionais, considérase fundamental a participación en certames feirais, tanto de carácter nacional como internacional, co fin de dar a coñecer e mellorar a comercialización das distintas producións agrarias galegas, sobre todo as amparadas por algún indicativo de calidade. Crearanse espazos expositivos que permitan promocionar e establecer acordos comerciais entre as empresas coexpositoras e os maioristas e distribuidores, así como a ampliación de mercados.

Feiras 2021

Debido á pandemia Covid-19 canceláronse as seguintes feiras ás que a Agacal tiña previsto acudir este ano.

As novas datas son as seguintes:

Feira Nova data
34ª Salón Gourmets (Madrid) 12 – 15 abril de 2021
Alimentaria (Barcelona) 17 – 20 maio de 2021
Salimat Abanca (Silleda) 3 – 6 xuño de 2021
Iberflora (Valencia) 5 - 7 outubro de 2021
Fruit Attraction (Madrid) 5- 7 outubro de 2021

En canto ás outras feiras, iremos facilitando información a medida que vaiamos concretando a nosa programación para o ano que ven.

 

Áreas temáticas relacionadas