O RVG é o instrumento técnico-administrativo esencial para o mellor coñecemento da situación real da viticultura galega, no cal se recollen as informacións obrigatorias do sector vitivinícola e polo tanto deberá manterse con información actualizada e fiable do potencial de produción vitícola de Galicia, correspondéndolles ás persoas viticultoras a responsabilidade da veracidade dos datos declarados ou inscritos nel e no seu caso, das súas modificacións e/ou actualizacións e das posteriores declaracións e/ou solicitudes que realicen.
O dito RVG trata de reflectir a realidade da superficie plantada de viñas e neste senso recolle datos relativos á identificación e localización das explotacións vitícolas, da súa titularidade (persoas viticultoras e propietarias ou as súas agrupacións) e das parcelas de viñedo que as constitúen (referencia catastral e características agronómicas: variedades de vinífera, ano de plantación...).
En síntese, o RVG é un rexistro informático único, de carácter público e natureza técnico-administrativa, no cal se recollen as informacións obrigatorias do sector vitivinícola de Galicia, cunha dobre finalidade:
- xestión técnico-administrativa das plantacións para seguimento e control da evolución das superficies de viñedo
- base de datos, como fonte das estatísticas oficiais do sector, en particular do Inventario vitícola de Galicia
Este rexistro está suxeito a cambios nas características estruturais e agronómicas das parcelas de viñedo que integran as explotacións vitícolas e a súa titularidade e polo tanto está permanentemente á disposición das persoas viticultoras para calquera actualización/modificación dos seus datos.
OVREVI
É unha ferramenta web cos servizos da Oficina virtual de Rexistro Vitícola.
Procedementos asociados
- MR447A - Inscrición, baixa e/ou modificación/actualización de datos do Rexistro Vitícola de Galicia (MA-RVG)
Lexislación aplicable
Autonómica
- DECRETO 256/2011, do 7 de decembro, polo que se regula o potencial de produción vitícola de Galicia (tácitamente derrogado salvo no que non contradiga á nova OCM única con relación ao sector vitivinícola)
Estatal
- Real Decreto 1338/2018, de 29 de outubro, polo que se regula o potencial de produción vitícola
- Real Decreto 739/2015, sobre declaracións obrigatorias no sector vitivinícola
- Lei 24/2003 do 10 de xullo, da viña e do viño (tácitamente derrogada salvo no que non contradiga á nova OCM única con relación ao sector vitivinícola)
- Directrices para a aplicación do réxime de autorizacións de viñedo
Comunitaria
- REGULAMENTO DELEGADO (UE) 2018/273 da Comisión de 11 de decembro de 2017 polo que se completa a OCM única con relación ao sector vitivinícola
- REGULAMENTO DE EXECUCIÓN (UE) 2018/274, da Comisión de 11 de decembre de 2017 polo que se establecen as normas de desenvolvemento da OCM única con relación ao sector vitivinícola
- OCM ÚNICA: Regulamento (UE) Nº 1308/2013 do Parlamento Europeo e do Consello de 17 de decembro de 2013 polo que se crea a organización común de mercados dos produtos agrarios e polo que se derrogan os Regulamentos (CEE) nº 922/72, (CEE) nº 234/79, (CE) nº 1037/2001 e (CE) nº 1234/2007
Máis información
Toda persoa viticultora debe posuír a ficha do Rexistro Vitícola de Galicia que acredita a súa explotación.
Poderán solicitar calquera aclaración sobre a súa ficha vitícola no servizo de Explotacións Agrarias da súa provincia ou na Oficina Agraria Comarcal correspondente da súa localidade. Así mesmo, poden consultar os seu datos vitícolas electrónicamente, vía internet, a través da Oficina Agraria Virtual do Rexistro Vitícola de Galicia (OVREVI), seleccionando o tipo de acceso, público ou con credenciais: mediante a Chave 365 ou mediante certificado dixital ou DNI-electrónico.