Aproximadamente, a quinta parte do territorio galego, unhas 650.000 hectáreas, corresponde a monte veciñal en man común, xestionado por unhas 3.000 comunidades de montes. Isto vén demostrar que esta figura non só ten importancia como un sinal de identidade e da cultura do noso País, senón tamén como un claro indicador económico e produtivo.
É preciso recoñecer a aportación do monte veciñal nas súas múltiples vertentes: social, económica e ambiental. Dada a necesidade que ten a valorización do monte como elemento de creación de emprego e de xeración de riqueza, o Goberno galego quere ser un aliado das comunidades de montes á hora de acadar esa visibilidade social e tamén unha maior conciencia na cidadanía sobre a necesidade de pór a producir os nosos bosques.
O monte veciñal debe ser un dos principais motores do emprego local e, neste senso, as Comunidades serán as que dirixan a segunda fase do ciclo produtivo, a transformación industrial do amplo número de recursos que ofrece o bosque galego. O obxectivo non é exclusivamente mellorar a explotación forestal e a da biomasa, senón tamén compatibilizar cos usos do aproveitamento gandeiro (mediante proxectos silvopastorís), producir cogomelos, castañas ou outro tipo de froitos do bosque e potenciar zonas recreativas e rutas de sendeirismo que profundicen no coñecemento do noso contorno, á parte de programas de educación ambiental dirixidos aos máis pequenos.
Pode descargar a cartografía de montes veciñais en man común (ETRS89- UTM29N) tendo en consideración que:
- A cartografía foi elaborada coa información que ten a disposición a Consellería do Medio Rural, está suxeita a erros e non presupón dereito de propiedade en ningún caso.
- A cesión da información xeográfica é exclusivamente para usos non comerciais.
- A súa concesión leva implícito o compromiso de citar sobre a súa procedencia de propiedade intelectual á Xunta de Galicia.
- Quen efectúe a difusión está obrigado a reflectir que tódolos dereitos corresponden o propietario, a través da fórmula: copyright Xunta de Galicia.
- Ano de produción: 2024
Buscador
Consulta os datos por provincia, concello ou nome do monte. (Data de actualización: 01/09/2025)
A información gráfica é orientativa, no caso de querer unha máis precisa deberá acudir ao Servizo de Montes da provincia que corresponda
| ID do monte | Nome | Provincia | Concello | Parroquia | Lugar | Comunidade | Data | Ficha |
|---|---|---|---|---|---|---|---|---|
| 1626 | A PEDRIZA; OUTEIRO DA PRAZA DA VEIGA; A TOUZA E A ZAÍNZA; E A VEIGA | Ourense | Xinzo de Limia | SOLBEIRA DE LIMIA (SAN PEDRO) | PIDRE | 20/11/01 | Ficha | |
| 3873 | A PORTELA | Pontevedra | Bueu | BUEU (SAN MARTIÑO) | PORTELA, VALADO, RAMORTA E CARRASQUEIRA | PORTELA, VALADO, RAMORTA E CARRASQUEIRA | 28/04/04 | Ficha |
| 2469 | A PORTELA | Pontevedra | Bueu | BUEU (SAN MARTIÑO) | PORTELA, VALADO, RAMORTA E CARRASQUEIRA | SAN MARTIÑO DE BUEU | 28/04/04 | Ficha |
| 1694 | A PORTELA, A ESTIVADA, A BALSADA E PENAGUEIRA | Ourense | Irixo (O) | FROUFE (SAN XOÁN) | FROUFE | 08/06/06 | Ficha | |
| 3909 | A PORTELIÑA, A CIDÁ E O CASTELO | Ourense | Xinzo de Limia | PENA (A) (SAN PEDRO) | A PENA | 20/10/09 | Ficha | |
| 4547 | A Poza do Frade, O Canto do Regueiro, Valdapalla, Cons 5, Cons 6, Cons 7 e Cons 8 | Pontevedra | Pontevedra | MOURENTE (SANTA MARÍA) | MOURENTE | 01/03/23 | Ficha | |
| 520 | A PREGACIÓN - SAN XOÁN | Lugo | Friol | SEOANE DE APREGACIÓN (SAN XOÁN) | SEOANE DA PREGACIÓN- SAN XOÁN | 20/12/82 | Ficha | |
| 4560 | A Proviceira, O Cimón, A Bugalleira, O Cabrón, A Carrapata e Os Lameiros | Ourense | Celanova | MILMANDA (SANTA EUFEMIA) | Moimenta e Orbán | 16/12/24 | Ficha | |
| 4050 | A Sacada | Ourense | Ramirás | PAIZÁS (SAN SALVADOR) | Fraguas, A Silva, Vilaboa, Vilaflor e Portas Abertas | 10/04/14 | Ficha | |
| 1504 | A SERRA | Ourense | Castrelo de Miño | PONTE CASTRELO (SANTO ESTEVO) | PARROQUIAS DE PONTE CASTRELO ( SANTO ESTEVO) E BARRAL (NOSA SRA. DAS NEVES) | 29/10/80 | Ficha |
Procedementos asociados
- MR652A - Comunicación dos ingresos e reinvestimentos en montes veciñais en man común
- MR627A - Aprobación dun proxecto de ordenación de montes
- MR627B - Aprobación dun documento simple de xestión forestal
- MR627C - Aprobación dun documento compartido de xestión forestal
- MR627D - Adhesión expresa a referentes de boas prácticas e aos modelos silvícolas ou de xestión forestal orientativos
Lexislación aplicable
- Lei 3/2018, do 26 de decembro, de medidas fiscais e administrativas (DOG Núm. 247 del 28 de diciembre de 2018)
- Lei 9/2017, do 26 de decembro, de medidas fiscais e administrativas (DOG Núm. 245 do 28 de decembro de 2017)
- Decreto 23/2016, do 25 de febreiro, polo que se regula o reinvestimento dos ingresos obtidos polos montes veciñais en man común en actuacións de mellora e protección forestal
- Lei 7/2012, do 28 de xuño, de montes de Galicia (DOG Núm. 140 do 23 de xullo de 2012)
- Ley 13/1989, de 10 de octubre, de montes vecinales en mano común