Aproximadamente, a quinta parte do territorio galego, unhas 650.000 hectáreas, corresponde a monte veciñal en man común, xestionado por unhas 3.000 comunidades de montes. Isto vén demostrar que esta figura non só ten importancia como un sinal de identidade e da cultura do noso País, senón tamén como un claro indicador económico e produtivo.
É preciso recoñecer a aportación do monte veciñal nas súas múltiples vertentes: social, económica e ambiental. Dada a necesidade que ten a valorización do monte como elemento de creación de emprego e de xeración de riqueza, o Goberno galego quere ser un aliado das comunidades de montes á hora de acadar esa visibilidade social e tamén unha maior conciencia na cidadanía sobre a necesidade de pór a producir os nosos bosques.
O monte veciñal debe ser un dos principais motores do emprego local e, neste senso, as Comunidades serán as que dirixan a segunda fase do ciclo produtivo, a transformación industrial do amplo número de recursos que ofrece o bosque galego. O obxectivo non é exclusivamente mellorar a explotación forestal e a da biomasa, senón tamén compatibilizar cos usos do aproveitamento gandeiro (mediante proxectos silvopastorís), producir cogomelos, castañas ou outro tipo de froitos do bosque e potenciar zonas recreativas e rutas de sendeirismo que profundicen no coñecemento do noso contorno, á parte de programas de educación ambiental dirixidos aos máis pequenos.
Pode descargar a cartografía de montes veciñais en man común (ETRS89- UTM29N) tendo en consideración que:
- A cartografía foi elaborada coa información que ten a disposición a Consellería do Medio Rural, está suxeita a erros e non presupón dereito de propiedade en ningún caso.
- A cesión da información xeográfica é exclusivamente para usos non comerciais.
- A súa concesión leva implícito o compromiso de citar sobre a súa procedencia de propiedade intelectual á Xunta de Galicia.
- Quen efectúe a difusión está obrigado a reflectir que tódolos dereitos corresponden o propietario, a través da fórmula: copyright Xunta de Galicia.
- Ano de produción: 2024
Buscador
Consulta os datos por provincia, concello ou nome do monte. (Data de actualización: 01/09/2025)
A información gráfica é orientativa, no caso de querer unha máis precisa deberá acudir ao Servizo de Montes da provincia que corresponda
| ID do monte | Nome | Provincia | Concello | Parroquia | Lugar | Comunidade | Data | Ficha |
|---|---|---|---|---|---|---|---|---|
| 1417 | A FONTIÑA, A COSTIÑA E O COTARRO | Ourense | Carballiño (O) | PITEIRA (A) (SAN MIGUEL) | CARBALLEDA | 25/04/79 | Ficha | |
| 4080 | A FRECA | Ourense | Xunqueira de Espadanedo | XUNQUEIRA DE ESPADANEDO (SANTA MARÍA) | SAN PEDRO, A REBOREDA, CARBUÍZ E ESPADANEDO | 29/04/15 | Ficha | |
| 3139 | A JOLBADA | Pontevedra | Soutomaior | ARCADE (SANTIAGO) | ARCADE DE ARRIBA | ARCADE DE ARRIBA | 22/11/79 | Ficha |
| 4513 | A Lagoa, A Bugalleira e Os Picós | Ourense | Celanova | ANSEMIL (SANTA MARÍA) | ANSEMIL | 10/10/22 | Ficha | |
| 2355 | A LAMA | Ourense | Viana do Bolo | RUBIAIS (SAN CIBRAO) | - Revisión de esbozo aprobada en data 23/10/2023. | RUBIAIS | 26/11/75 | Ficha |
| 2814 | A LAMA | Pontevedra | Lama (A) | LAMA (SAN SALVADOR) | TODOS | A LAMA | 30/04/79 | Ficha |
| 2367 | A LAMA DE SAN XOÁN, OS VALES, A RAPOSEIRA, A BACEIRA, A LAMA, OS TELLADOS, AS COBAS, OS PONTOIS, AS XERIAS, FONDO DO SOUTO, PONTÓN DAS COVAS, RIBA FURADA, O COUTO E O CARDOSO | Ourense | Viana do Bolo | SAN MARTIÑO (SAN XOÁN) | SANTA MARIÑA DE FROXAIS | 03/05/05 | Ficha | |
| 1292 | A LAMPAZA E O CRUCEIRO | Ourense | Baños de Molgas | PONTE AMBÍA (SANTA MARÍA) | PONTE AMBÍA DE ARRIBA, PONTE AMBÍA DE ABAIXO, PUMARES, CACHAGONZA, O PAZO, E VILAR | 22/03/00 | Ficha | |
| 1216 | A LAXA | Ourense | Amoeiro | BÓVEDA DE AMOEIRO (SAN PAIO) | PARROQUIA DE BÓVEDA DE AMOEIRO (SAN PAIO) | 31/05/88 | Ficha | |
| 2760 | A LAXE | Pontevedra | Fornelos de Montes | LAXE (SAN XOSÉ) | TODOS | A LAXE | 01/02/79 | Ficha |
Procedementos asociados
- MR652A - Comunicación dos ingresos e reinvestimentos en montes veciñais en man común
- MR627A - Aprobación dun proxecto de ordenación de montes
- MR627B - Aprobación dun documento simple de xestión forestal
- MR627C - Aprobación dun documento compartido de xestión forestal
- MR627D - Adhesión expresa a referentes de boas prácticas e aos modelos silvícolas ou de xestión forestal orientativos
Lexislación aplicable
- Lei 3/2018, do 26 de decembro, de medidas fiscais e administrativas (DOG Núm. 247 del 28 de diciembre de 2018)
- Lei 9/2017, do 26 de decembro, de medidas fiscais e administrativas (DOG Núm. 245 do 28 de decembro de 2017)
- Decreto 23/2016, do 25 de febreiro, polo que se regula o reinvestimento dos ingresos obtidos polos montes veciñais en man común en actuacións de mellora e protección forestal
- Lei 7/2012, do 28 de xuño, de montes de Galicia (DOG Núm. 140 do 23 de xullo de 2012)
- Ley 13/1989, de 10 de octubre, de montes vecinales en mano común