Aproximadamente, a quinta parte do territorio galego, unhas 650.000 hectáreas, corresponde a monte veciñal en man común, xestionado por unhas 3.000 comunidades de montes. Isto vén demostrar que esta figura non só ten importancia como un sinal de identidade e da cultura do noso País, senón tamén como un claro indicador económico e produtivo.
É preciso recoñecer a aportación do monte veciñal nas súas múltiples vertentes: social, económica e ambiental. Dada a necesidade que ten a valorización do monte como elemento de creación de emprego e de xeración de riqueza, o Goberno galego quere ser un aliado das comunidades de montes á hora de acadar esa visibilidade social e tamén unha maior conciencia na cidadanía sobre a necesidade de pór a producir os nosos bosques.
O monte veciñal debe ser un dos principais motores do emprego local e, neste senso, as Comunidades serán as que dirixan a segunda fase do ciclo produtivo, a transformación industrial do amplo número de recursos que ofrece o bosque galego. O obxectivo non é exclusivamente mellorar a explotación forestal e a da biomasa, senón tamén compatibilizar cos usos do aproveitamento gandeiro (mediante proxectos silvopastorís), producir cogomelos, castañas ou outro tipo de froitos do bosque e potenciar zonas recreativas e rutas de sendeirismo que profundicen no coñecemento do noso contorno, á parte de programas de educación ambiental dirixidos aos máis pequenos.
Pode descargar a cartografía de montes veciñais en man común (ETRS89- UTM29N) tendo en consideración que:
- A cartografía foi elaborada coa información que ten a disposición a Consellería do Medio Rural, está suxeita a erros e non presupón dereito de propiedade en ningún caso.
- A cesión da información xeográfica é exclusivamente para usos non comerciais.
- A súa concesión leva implícito o compromiso de citar sobre a súa procedencia de propiedade intelectual á Xunta de Galicia.
- Quen efectúe a difusión está obrigado a reflectir que tódolos dereitos corresponden o propietario, a través da fórmula: copyright Xunta de Galicia.
- Ano de produción: 2024
Buscador
Consulta os datos por provincia, concello ou nome do monte. (Data de actualización: 01/09/2025)
A información gráfica é orientativa, no caso de querer unha máis precisa deberá acudir ao Servizo de Montes da provincia que corresponda
| ID do monte | Nome | Provincia | Concello | Parroquia | Lugar | Comunidade | Data | Ficha |
|---|---|---|---|---|---|---|---|---|
| 1679 | O COTO, O BOUZO, PENABOA, A LADEIRA | Ourense | Irixo (O) | LOUREIRO (SANTA MARIÑA) | A RÚA | 26/02/02 | Ficha | |
| 1872 | O COUSO | Ourense | Manzaneda | PLACÍN (SANTIAGO) | PLACÍN E PARROQUIA DE PARADELA | 14/02/77 | Ficha | |
| 3884 | O ESCORIAL, A CAMPAZA, MONTE DA CAPELA, O VALADOURO, A PORTELA, A CAMPIÑA, A REGA E A ALVARIZA | Ourense | Ourense | MONTEALEGRE (A MILAGROSA) | A GRANXA | 18/11/08 | Ficha | |
| 3881 | O Ézaro | A Coruña | Dumbría | ÉZARO (SANTA UXÍA) | O Ézaro | Lugar do Ézaro | 17/12/08 | Ficha |
| 4429 | O Formigueiro, Piñeiral, Os Terrós e Lama Vella | Ourense | Ourense | CANEDO (SAN MIGUEL) | Veciños de Quintela | 09/03/22 | Ficha | |
| 4256 | O FORNO E A CASA DA PRENSA | Ourense | Amoeiro | TRASALBA (SAN PEDRO) |
MONTE ASNAL |
07/11/18 | Ficha | |
| 2359 | O LOMBO | Ourense | Viana do Bolo | TABAZOA DE HEDROSO (SANTA MARÍA) | TABAZOA DE HEDROSO | 26/11/75 | Ficha | |
| 1612 | O MATO, RIBA DA PONTE E AS SAMIEIRAS | Ourense | Xinzo de Limia | BOADO (SAN PEDRO) | BOADO E PORTO ALTO | 15/10/93 | Ficha | |
| 663 | O MEDORRO | Lugo | Monforte de Lemos | SINDRÁN (SAN PEDRO) | SINDRÁN | 29/04/77 | Ficha | |
| 3902 | O OUTEIRO E OS CAMPOS | Ourense | Amoeiro | ROUZÓS (SAN CIBRAO) | O REGUENGO, CIMA DE VILA, AFONSÍN E AS QUINTÁS | 14/07/09 | Ficha |
Procedementos asociados
- MR652A - Comunicación dos ingresos e reinvestimentos en montes veciñais en man común
- MR627A - Aprobación dun proxecto de ordenación de montes
- MR627B - Aprobación dun documento simple de xestión forestal
- MR627C - Aprobación dun documento compartido de xestión forestal
- MR627D - Adhesión expresa a referentes de boas prácticas e aos modelos silvícolas ou de xestión forestal orientativos
Lexislación aplicable
- Lei 3/2018, do 26 de decembro, de medidas fiscais e administrativas (DOG Núm. 247 del 28 de diciembre de 2018)
- Lei 9/2017, do 26 de decembro, de medidas fiscais e administrativas (DOG Núm. 245 do 28 de decembro de 2017)
- Decreto 23/2016, do 25 de febreiro, polo que se regula o reinvestimento dos ingresos obtidos polos montes veciñais en man común en actuacións de mellora e protección forestal
- Lei 7/2012, do 28 de xuño, de montes de Galicia (DOG Núm. 140 do 23 de xullo de 2012)
- Ley 13/1989, de 10 de octubre, de montes vecinales en mano común